УЛААНБААТАР-ДАРХАНЫ ЗАМЫГ НЭГДҮГЭЭР ЗЭРЭГЛЭЛИЙНХ БОЛГОНО
Зам тээврийн хөгжлийн яамны мэдээллээр Улаанбаатар-Дархан Уул чиглэлийн замыг дөрвөн эгнээтэй болгох ажил энэ хавартаа багтан эхлэхээр болжээ.
Энэхүү замыг цемент бетон хучилттай нэгдүгээр зэрэглэлийнх болгон шинэчлэх юм байна.
БНХАУ-тай хамтран бүтээн байгуулалтын ажлыг дулааны улиралд багтаан дуусгана гэдгээ мэдэгдлээ.
“Улаанбаатар-Дарханы чиглэлийн замыг энэ хавраас эхлэн барина. Ингэснээр замын ачаалал багасаж, ослын тоо ч буурна гэж бид харж байна” гэж Зам тээврийн хөгжлийн сайд Д.Ганбат ярьсан юм.
Улаанбаатар-Дархан чиглэлийн зам нь 4-р зэрэглэлийнх бөгөөд тус замаар хоногт 3,500-3,800 автомашин зорчдог юм. Уг нь стандартаараа 600 орчим автомашин л зорчих ёстой байдаг ажээ.
Эх сурвалж: Б.БОЛОРСҮХ, IKON.MN