ОСГОЛТ, ХӨЛДӨЛТӨӨС СЭРГИЙЛЬЕ!

Хөлдөлтийн үед ямар арга хэмжээ авах, илрэх шинж тэмдгийн талаар мэргэжлийн байгууллагаас дараах зөвлөгөөг өгч байна.

Иргэд та бүхэн хөдөө орон нутагт зорчих гэж байгаа бол тээврийн хэрэгслийн бүрэн бүтэн байдлыг сайтар хангах, цаг агаарын нөхцөл байдалд тохируулан хувцаслаж, халуун хоол хүнс базаан зорчих, согтууруулах ундаа хэтрүүлэн хэрэглэхгүй байх, өндөр настан болон хөгжлийн бэрхшээлтэй иргэдэд тавих хараа хяналтаа сайжруулж өөрийгөө болон бусдын амь нас эрүүл мэндийг болзошгүй эрсдэлээс хамгаалахыг цагдаагийн байгууллагаас сэрэмжлүүлж байна.