ДАКАР2015: 4-Р ҮЕИЙН ТОЙМ

Аргентийн Чилесито > Чилийн Копиабо хүрэх Дакар раллигийн 4 дахь өдрийн тэмцээний дүнг танилцууляа.

Энэ өдрийн гарааны зам Өмнөд Америк тивийн баруун эргийн дагуу байрлах, тус тивийн хамгийн урт уулс болох нийт 7,000 км урт, 500 км өргөн, 6962 метр өндөртэй Андын нурууг давж уралдсан юм. Уралдааны үеэр 47С хүрж халсан нь уралдааны нөхцөл байдлыг улам хүндрүүлсэн байна. Тус өдрийн уралдааныг 8 мотоцикль орхисны дунд 3 дахь өдрийн ялагч Англи залуу Сэм Сандэрланд тэмцээнийг харамсалтайгаар орхисон байна түүний Honda мотоциклийн хөдөлгүүр эвдэрсэн байна.

Мотоциклийн ангилалд Испани залуу Жоан Барреда энэ өдрийн хамгийн хурдан нь байж 003 цаг:27:28 секундын амжилт үзүүлж түрүүлсэн бол түүний араас өнгөрсөн жилийн аварга цомыг хамгаалагч Марк Кома 1 минут 55секунд хоцорч барианд оржээ. Дакар раллид зөвхөн эрэгтэйчүүд уралддаг уу гэвэл бас үгүй юмаа эрэгтэйчүүдээс дутахгүй эн зэрэгцэн уралдаж буй Чанга эмэгтэй" нэрээрээ танигдсан Франц эмэгтэй Лайя Сайнз тэмцээний хошуучлагч Жоан Барредагаас 13 минутын хойно 8-р байраар орлоо. Тэр ч Үнэхээр ЧАНГА бүсгүй юмаа.

Харин автомашины ангилалд Мини багийн тамирчин Ал Аттияа 003:09:18 секунд хурдалж тэмцээнийг итгэл төгс тэргүүлж байна. Түүний араас тэмцээний эхний өдөр бүтэлгүйтсэн Нани Рома 2т орж алдсан цагаа нөхөж цомоо хамгаалж аварга болох боломжоо хайсаар л байна. Энэ жил Мини баг үнэхээр өнгөтэй сайхан хурдалж автомашины ангилалыг эзэгнэж байна. Куад ангилалд тэмцээн эхэлснээс хойш маш сайн уралдаж буй Польш эр Рафаэл Соник 004:11:35секунд хурдалж 1р байранд орсон бол 2р байранд Игнасио Касале тэргүүлэгчээс 03:26 секундын хойно орж 2т орсон байна Ачааны автомашины ангилалд Оросын Камаз багийхан хамгийн хурдан байж 1,2,3р байрыг бүгдийг нь эзэлжээ. 1р байранд Николайвийн баг ,2р байранд Каргинов баг 3р байранд Мардеивийн баг орсон байна. Аргагүй л орос ах нар маань юм даа.

Монгол тамирчдын маань хувьд 4 дахь өдөр тун амжилттай болж өндөрлөллөө. ОУХМ Д.Болдбаатар 04:22:07сэкундийн амжилтаар 56р байранд орж ниийлбэр дүнгээр 83т явж байна. Ч.Анарын хувьд хяналтын 8 дахь цэгээр бүртгүүлсэн хэдий ч одоогоор барианд орсон үгүй нь мэдэгдэхгүй байна. Автомашин ангилалд уралдаж буй Н.Лхамаагаар ахлуулсан экипаж 8дахь хяналтын цэгээр бүртгүүлсэн ч барианд орсон мэдээлэл одоогоор байхгүй байна. Дакар раллигийн 5 дахь өдрийн замыг танилцуулья Чилийн Копиабо > Антопагаста хүрэх Дакар раллигийн 5 дахь өдрийн замыг танилцуулж байна Энэ удаа ангилал хамаарахгүй Чилийн нутгаар бүгд нэг замаар уралдана. Ингэж уралдах нь нэг талаараа замаа алдаж төөрж, цаг алдалгүй тамирчдад цагаа нөхөх сайхан боломж олгож байгаа юм. Доктор авто сүлжээ компаний зүгээс Дакар ралли 2015 уралдаанд оролцож буй Монгол тамирчдаа дэмжихийг уриалж байна.

 

Танд 500 тэмдэгт үлдсэн байна.