ХӨДӨЛГҮҮР АСАХГҮЙ ҮЕД ЯМАР ДАРААЛЛААР ШАЛГАХ ВЭ? №149
Таны машины хөдөлгүүр асахгүй байвал юунаас эхлээд шалгах вэ гэсэн зааварчилга зөвлөгөөг хүргэе. Хөдөлгүүр асахгүй байх нь олон шалтгаантай бөгөөд тэр шалтгааныг нь тодорхойлоход жаахан ч гэсэн тус болох болов уу гэж бодож байна. Үүнд аккумулятор хэвийн, хэлхээ бүтэн байх үед оношлох дарааллыг орууллаа.
Түлхүүрээ эргүүлэхэд хөдөлгүүрийн тахир гол эргэхгүй байх
Шалгах дараалал:
- Стартерийн ажиллагааг шалгах (стартер болон түүний релей ажиллахгүй болсон). Хэрэв стартер гэмтэлгүй “OK” гэж үзвэл дараах зүйлийг шалгана.
- Хэрэв автомат кроптой бол P болон N байрлалд асаах хэлхээг шалгах (араа шилжүүлэх рычагны доорх контакт болон релейг шалгах)
Стартер эргэж байвч хөдөлгүүрийн тахир гол эргэхгүй байх
Шалгах дараалал:
- Стартерийн ажиллагааг шалгах (стартерийн винкс араа элэгдсэн байх ). Хэрэв стартер гэмтэлгүй “OK” гэж үзвэл дараах зүйлийг шалгана.
- Маховикийг шалгах (маховикийн шүд элэгдэх, хөдөлгөөн орох)
Эхний тэсрэлт явагдахгүй байх
Шалгах дараалал:
- Асаах хэлхээний утсыг шалгах. Хэрэв ОК бол
- Трамблёр, катушк, очлуурыг шалгах. Хэрэв ОК бол
- EFI,EGI түлшний системийн релей, түүний хэлхээг шалгах (голдуу урд капот дотор хайрцганд байдаг). Хэрэв ОК бол
- Хэлхээг залгах релейг шалгах (голдуу кабины дотор урд хянахын доор хажуу хананд байдаг). Хэрэв ОК бол
- Агаарын урсгалын мэдрэгчийг шалгах (голдуу агаар шүүгч дээр байрласан байдаг). Хэрэв ОК бол
- Бензин насосны ажиллагаа, релей, хэлхээг шалгах. Хэрэв ОК бол
- Бензиний чанарыг үзэх (устай эсэх, октандаа хүрэхгүй байх). Хэрэв ОК бол
- Хөдөлгүүрийн сул ажиллагаа буюу нормаль тохируулагч ба түүний хэлхээг шалгах (Голдуу холимгийн хаалтны ойролцоо байдаг). Хэрэв ОК бол
- Цилиндрийн даралтыг шалгах. Хэрэв ОК бол
- Поршенгийн шахалт болон клапангийн хаагдах эгшинг шалгах (гал зөрсөн, буруу тавигдсан). Хэрэв ОК бол
- Духны ремен болон гинж тасарсан, мултарсан эсэхийг шалгах. Хэрэв ОК бол
- Хөдөлгүүрийн эргэлт тоологчийг шалгах (голдуу трамблёртой хөдөлгүүрт трамблёр дотор, шууд катушктай бол тахир голын төгсгөлийн ойролцоо байдаг). Хэрэв ОК бол
- Хөдөлгүүрийн компьютер буюу ECU-г шалгах. ECU-г солих.
Бүрэн тэсрэлт явагдахгүй байх
Шалгах дараалал:
- Тос гоожилт, тос хэт багассан эсэхийг шалгах. Хэрэв ОК бол
- Агаарын урсгалын мэдрэгчийг шалгах (голдуу агаар шүүгч дээр байрласан байдаг). Хэрэв ОК бол
- Хөдөлгүүрийн сул ажиллагаа буюу нормаль тохируулагч ба түүний хэлхээг шалгах (Голдуу холимгийн хаалтны ойролцоо байдаг). Хэрэв ОК бол
- Түлшний даралт тохируулагчийг шалгах (голдуу инжекторийн оруулах хоолойд түлш буцах шугамын эхэнд байдаг). Хэрэв ОК бол
- Хөргөх шингэний темпратурийн мэдрэгч, түүний хэлхээг шалгах (блок дээр байрладаг). Хэрэв ОК бол
- Цилиндрүүдийн даралт алдагдах. Хэрэв ОК бол
- Поршенгийн бүслүүр буюу кольцийг шалгах. Хэрэв ОК бол
- Поршенгийн шахалт болон клапангийн хаагдах эгшинг шалгах (гал зөрсөн, буруу тавигдсан). Хэрэв ОК бол
- Духны ремен болон гинж тасарсан, мултарсан эсэхийг шалгах. Хэрэв ОК бол
- Инжекторын ажиллагааг шалгах.
Эх сурвалж: www.cardoctor.mn