ЗӨВХӨН ХААЗ ӨГӨХӨД МАШИН ДЭРГЭЖ, ЧИЧРЭЭД БАЙНА УУ? №171

Машин хэрэглээний явцад савлах, чичрэх, 80-100 км/ц хооронд руль чичрэх зэрэг гэмтлүүд гарч эхэлдэг. Эдгээр гэмтлүүдээс ЗӨВХӨН ХААЗ ӨГӨХ ҮЕД МАШИН ДЭРГЭХ тохиолдлын талаар бичье.

Гэмтлийн шалтгаанууд

• Дээд, доод гарны тулк хагарах, язрах - машин хааз өгөхөд гарны втулк дээр ачаалал ирж муудсан бол цохилтыг кузовт шууд дамжуулж дэргэлт мэдрэгдэнэ
• Урд тэнхлэг нь чулактай машины хөндлөн татуурганы гагнаас салсан үед, боолт сулрах, втулка муудах язрах зэрэг үед (Ланд Круйзер 105, 80)
• Хойд хөтлөгчтэй машины хойд чагтан гол, кардан гол, дунд гук, таван бул зэрэг хүч дамжуулах голнууд эвдрэх, балансгүй болох үед
• Термомуфттэй, моторын эргэлтээс сэнс нь ажилладаг сэнсний нэг далбан нь хугарч унасан үед тэнцвэр алдагдаж дэргэдэг.
• Мотор, кропны лап резин тасарсан үед дэргэх тохиолдол гардаг. Хэрвээ та өөрөө шалгах боломжгүй байвал мэргэжлийн газарт хандаж яаман дээр өргүүлээд шалгуулаарай.