МЭДЛЭГ: КОЛЛЕКТОР БОХИРДВОЛ ЯАДАГ ВЭ? №207

#KNOWLEDGE

Машины хөдөлгүүр доголдох маш олон шалтгаан байдаг. Тэгвэл түгээмэл шалтгаануудын нэгийн талаарх мэдээллийг бэлтгэн танд хүргэж байна. Таны автомашин уулзвар, гэрлэн дохион дээр түр зогсож тоормос гишгэх үед:

  • Хөдөлгүүр салганаж чичрэх, нормаль унах
  • Доголдох, унтрах
  • Хөдөлгүүрийн асаалт удааширч, стартер давтан даруулах зэрэг шинжүүд илэрч байна уу?
  • Тэгвэл хөдөлгүүрийн холимгийн хаалт, цахилгаан нормаль баригч, коллектор зэрэг эд ангиуд бохирдсон үед дээрх бэрхшээл тулгардаг.

Тиймээс та коллектор, холимгийн хаалт, цахилгаан нормаль баригч зэрэг агаар дамжуулах хэсгүүдийг цэвэрлэх хэрэгтэй юм. Ингэснээр агаарын урсгал шатах хөндий рүү чөлөөтэй нэвтэрч хөдөлгүүрийн ажиллагаа жигдэрдэг. Агаар бензин тохиромжтой харьцаандаа орж шатахуун зарцуулалт багасдаг. Мөн нормаль унах, доголдох зэрэг таны автомашинд гарч байсан бэрхшээлүүд ор мөргүй арилах боломжтой. Харин цахилгаан холимгийн хаалттай бол тохируулга шаардлагатай байдаг тул заавал мэргэжлийн газарт цэвэрлүүлээрэй (дэлгэрэнгүй унших ЭНД)

Хэрвээ та өөрөө цэвэрлэхээр шийдсэн бол танд бага зэрэг цаг зав, багаж, цэвэрлэдэг шүршигч байх хэрэгтэй. Арга нь амархан бөгөөд хөдөлгүүрийн дээхэн коллектор бий. Түүний 4 боолтыг суллаж, орсон шланкуудыг сугалж аваад бүрэн салгасны дараа маш няхуур цэвэрлэх хэрэгтэй. Хэрвээ анх удаа цэвэрлэх гэж байгаа бол мэргэжлийн газруудад хандахыг зөвлөе.

Танд 500 тэмдэгт үлдсэн байна.