ТАТЛАГА ЗӨВ АШИГЛАХ 10 ЗӨВЛӨМЖ
- Tow ball буюу порховыг ашиглаж ОГТ болохгүй. Ийм төрлийн порхов нь чирэх явцад үсрэх харвах аюултай байдаг.
- Автомашиныг чирэх зориулалтын цэгээс нь татаарай. Зарим автомашин чирэх хоёр цэгтэй байдаг. Энэ тохиолдолд хоёуланг нь ашиглах нь аюул багатай бөгөөд хүчний үйлчлэлийг нэмж өгнө.
- Холбогч гогцоог shackle-г тултал нь чангалж татаж болохгүй. Дараа нь тайлагдахгүй болох тул резьба тултал эргүүлээд 0.5-1 резьба буцаагаарай.
- Чирэх машиныг татлага хүрэх зайд эгц урд нь байрлуулна. Хэрэв татлага хүрэхгүй бол нэмэлт татлагыг хооронд зөв аргаар холбох хэрэгтэй холбогч гогцоо ашиглаж огт болохгүй. Энэ нь харвах аюултай байдаг.
- Холбогч гогцоо SHACKLE-г хөндлөнгөөр нь хийж татаж болохгүй.
- Татлага чирэгчээ татахаасаа өмнө эрчлээ, орооцолдоог нь гаргаж хэрэглэнэ.
- Угзрагч татлагаар тасралтгүй 3-4 удаа хэрэглэсний дараа амрааж байгаарай. Учир нь угзрагч татлага нь 20% хүртэл сунадаг тул буцаж агшиж хэвийн болтол нь амраах шаардлагатай байдаг. Үгүй бол тасрах эрсдэлтэй.
- Нойтон, норсон татлаганы сунах болон ачаалал даах чадвар нь буурдаг тул ашиглахдаа анхаар.
- Жолооч нараас бусад хүмүүсийг татлаганы уртаас 1.5 дахин хол зайд байлгаарай.
- Татлага хэрэгслээ хэрэглэж дууссан бол заавал цэвэрлэж, хатааж, хурааж хадгал. Үгүй бол чанар хэрэглээ нь муудах болно.
Эх сурвалж: www.cardoctor.mn