PRADO 120 | ТҮГЭЭМЭЛ ЭВДРЭЛ, ГЭМТЭЛ

Мотор
  • 3400 моторын свэчэний утсаар тог хаядаг. Ингэснээр мотор доголдох, хянах самбар дээр Check Engine гэрэл асдаг.
  • Форсунк бөглөрдөг. Энэ нь бензин шүүрийг солиогүй удсанаас, муу бензин хийснээс болж битүүрдэг.
Цахилгаан
  • ABS мэдрэгчийн гэмтэл зонхилдог. Мэдрэгч нь гэмтэхээс гадна ил байрлалтай утас тасарч хянах самбар дээр ABS гэрэл асдаг. Энэ тохиолдолд компьютер оношилгоонд орж аль талдаа гэмтсэнийг олох боломжтой.
  • Хойд хаалганы цоож гэмтдэг. Энэ нь цоожны цахилгаан мотор гэмтсэн байдаг. Хэрвээ онгойхоо больсон тохиолдолд мэргэжлийн газарт очиж оношлуулах хэрэгтэй.
  • Цонх замаасаа гарч гаждаг. Шилийг өргөдөг хайчин зам тахийсан, гулзайсан тохиолдолд энэ гэмтэл үүсдэг. Урьдчилан сэргийлэхийн тулд цонхон дээрээ дарж явахгүй байх хэрэгтэй.

Prado 120 | Түгээмэл эвдрэл, гэмтэл

Монголчууд бидний сайн мэдэх Toyota Prado 120 машинд тохиолддог эвдрэл гэмтэл түүнээс урьдчилан сэргийлэх зөвлөгөөг хүргэж байна.

Кроп

  1. Компьютер гэмтсэнээс болж кропны араа шилжилт өөрчлөгддөг: Шинж тэмдэг нь 2-3 араанд цохилттой орох, зогсохын өмнө цохилт өгөх, зогсож байгаад ухрах араанд хийхэд цохилт мэдрэгддэг.
  2. Учир нь ABS болон Check Engine аль нэг гэрлийг үл ойшоон удаан явснаас болж компьютерийн програм алдаа зааж араа шилжилтийг өөрчилдөг, үүнээс болж кропны диск нь эвдэрдэг байна. 2-3 араанд цохилттой орох, зогсохын өмнө болон ухрах араанд хийхэд цохилт мэдрэгддэг. Энэ төрлийн гэмтлийг заавал компьютер оношилгоонд оруулж үзүүлэх шаардлагатай бөгөөд таамгаар засварлах нь эдийн засагт хохиролтой байдаг.
  3. Кропны тос солих хугацаа нь жолоодлогын хэв маягаас их шалтгаалдаг. Жолооч огцом хаазлаж огцом тоормослон замын хөдөлгөөнд ширүүн оролцдог бол кропны тос түргэн чанараа алдаж, шүүгч нь ч тэсдэггүй. Дээр нь манай орны өвлийн хүйтэн, зуны аагим халуун, тоосжилт, хуурай нөхцлүүд үйлдвэрлэгчийн заасан хугацааг 2 дахин бууруулж тооцох нөхцөл болдог.
  4. Кропны тосны өнгө бараантсан ч элдэв тунадасгүй тунгалаг байвал хэсэгчилж солиулж болно гэж Toyota-н кроп үйлдвэрлэгч Aisin компанийн инженерүүд зөвлөдөг.
  5. Өгсөж уруудахдаа гар тоормос ашиглаж хэвшээрэй! Машинаа бүрэн зогссоны дараа л P, R горимд шилжүүлж заншвал кроп урт насална. Араандаа хийх үед машин ухасхийх, кропноос дүнгэнэсэн чимээ гарах, хиншүү үнэртэж эхэлбэл яаралтай оношлуулж байгаарай.
  6. Энэ төрлийн кроп нь ABS, BODY компьютер ECM эдгээрээс мэдээллээ авч, кропоо удирддаг. Тиймээс 4 дугуй ижил хэмжээтэй байхыг шаарддаг.
  7. Кропны дамжуулах арааны шарик нурах, дамжуулах араа өөрөө гэмтэх, эрхсэн арааны шарик дуу орох савалгаа үүсэх эрсдэлтэй байдаг.

Тулгуур эд анги

  1. Доод гарны тулк тасардаг.
  2. Хэвтээ болон босоо тэнцүүлэгч моралын элэгдлээр мууддаг
  3. 3 булын гармошик резин цоорсноос 3 бул дуу орж, араа солих үед цохилттой болдог.
  4. Рулын аппарат дуу ордог.
  5. Хойд талын дээд богино татуурганы тулк түргэн мууддаг
  6. Тэнцүүлэгчийн даравч резин болон босоо тэнцүүлэгч муудах талтай байдаг.
  7. Чагтан гол холхио орж мууддаг. Үүнээс сэргийлж цэгэн тосолгоог хийх хэрэгтэй. Урьдчилан сэргийлэхийн тулд жил бүр оношлогоонд орж, дуу орсон даруйд үзүүлж байх хэрэгтэй.
Түгээмэл эвдэрдэг сэлбэгүүд:
  1. Урд хойд амортизатор
  2. Урд босоо тэнцүүлэгч
  3. Баруун зүүн кропны сальник
  4. Урд цапны шарик

Танд 500 тэмдэгт үлдсэн байна.