NISSAN STAGEA

1-р үе WC34 (1996 он - 2001 он)

1996 оны 10 сард W34 гэсэн кодтойгоор гарсан бөгөөд том хэмжээний вагон загвар гэсэн имижээр Laurel, Skyline-ийн платформ ба явах ангитайгаар үйлдвэрлэгдэж эхэлсэн. Цуваа 6 цилиндртэй RB25DET хос турботой, RB25DE, RB20E гэсэн 3 төрлийн хөдөлгүүртэй гарсан юм. RS Four V, 25X Four, 25G Four , 20G гэсэн хувилбаруудтай.

• 1997 оны 1 сараас DAYZ брэндийн нэмэлт хормой спойлер хийсэн цагаан өнгөтэй Airo selection хувилбар гарсан.
• 1997 оны 8 сард хэсэгчилсэн шинэчлэлт хийгдсэн бөгөөд RB25DET-ээс бусад хөдөлгүүрийг Neo төрөлд шилжүүлж, RB20E хөдөлгүүрт DOHC тавьж RB20DE болгосон.
• 1997 оны 10 сар. R33 Skyline GTR-ийн хөдөлгүүр, явах анги, тэнхлэг бүхий “Autec Japan” компанийн тоноглосон 260RS загвар худалдаанд гарсан. 5 шатлалтай механик хурдны хайрцагтайгаас гадна урд хойд тэнхлэг уртассанаар дугуйн мөр хоорондын зай нэмэгдсэн.
• 1998 оны 8 сар. Хэсэгчилсэн шинэчлэлт хийгдэн арын хэсгийн дизайн өөрчлөгдөн RB25DET хөдөлгүүр R34 Skyline-ийн Neo төрлийн хөдөлгүүрээр солигджээ.
  

• 1998 оны 10 сард "Autech Japan" хувилбарын хэсэгчилсэн шинэчлэлт хийгдсэн.
• 2000 оны 6 сар. RB20DE хөдөлгүүр бүхий 20RS хувилбарыг сайжруулан 25tRSV, 25tRS FOUR хувилбаруудын хэрэглэгчид өөрсдөө тоноглоход зориулсан суурь загварыг гаргасан. R34 Skyline-тай ах дүү гэдгээрээ түүний урд бампер, гэрэл зэргийг тавьсан эрлийз хувилбарыг гарган “Skygea” гэсэн нэрийг авчээ.
  

2-р үе M35 (2001 он - 2007 он)

2001 оны 10 сард M35 гэсэн загвар болон 2-р үе нь гарчээ. V35 Skyline-тай яг адил FM платформыг хэрэглэсэн ба арын шил тусдаа онгойдог болж, шинэ үеийн Multi-link тэнхлэг тавьсан. 

Хөдөлгүүр нь цуваагаас бүгд V хэлбэрийн 6 цилиндртэй болсон бөгөөд VQ25DD, VQ30DD, VQ25DET turbo гэсэн 3 янз. Үүнээс гадна 4WD хувилбар нь энгийн загвараас илүү өндөр ба AR-X FOUR гэсэн нэртэй. Энэ нь Stagea-н эмблем биш Nissan-ы эмблемтэй.

• 2004 оны 9 сард хэсэгчилсэн шинэчлэлт явагдсан ба гадна болон дотор талыг сайжруулан 3.0 литр ба 2.5 turbo хөдөлгүүрийг тавихаа больж оронд нь VQ35DE хөдөлгүүрийг шинээр нэмж хуучны энгийн 2.5-тай хөдөлгүүрийн хамт 2 янз болсон юм.
• 2007 оны 6 сард Stagea загварын үйлдвэрлэлийг зогсоосноор  дараагийн үе гараагүй юм.