ХҮҮХДИЙН АЮУЛГҮЙ СУУДАЛ

Яагаад хүүхдийн тусдаа бэхэлдэг суудал хэрэгтэй байдаг вэ. Энэ нь автомашины ослоос үүдэн бага насны хүүхдийн амь нас хохирч байгаатай холбоотой. Тусгай суудал хэрэглэсэн үед гарах хүүхдийн амь нас хохирох явдал 8 дахин бага байдаг гэсэн судалгаа байдаг.

Ойролцоогоор 40км/ц хурдтай яваа автомашинд хүүхдийн жин физикийн хуулиар 30 дахин ихэсдэг. Жишээ нь 5 кг жинтэй хүүхдийн биеийн жин машин осолдох, мөргөлдөх үед энгийн үед 150 кг жинтэй биетээр цохиж байгаатай адил хүчээр машины дотор салоны эд ангийг мөргөдөг байна. Үүнээс үзэхэд хүүхдийн суудал хэрэглэх нь ямар их ач холбогдолтой нь харагдаж байна. Хэдий суудлын даруулга хэрэглэсэн ч 12 нас хүртлэх хүүхдүүдийн маань бэхжээгүй яс ослоос үүдэх энэ их хүчийг даадаггүй гэмтдэг. Тиймээс бяцхан үрсийнхээ төлөө хүүхдийн суудлыг хэрэглэж хэвшицгээе.

Ихэвчлэн 3 ба 4 сартайгаас нь хүүхдийн суудал хэрэглэж болдог боловч хүүхэд толгойгоо дааж байна уу үгүй юу гэдгийг анхаарч нягтлах хэрэгтэй. Хэрэв хүүхэд толгойгоо даахгүй байвал, 3-аас доош сартай нялх хүүхдэд заавал ор хэлбэрийн хэвтээ хүүхдийн суудлыг хэрэглэх шаардлагатай.

child-seat-bed_type child_seat_2
Ор хэлбэрийн суудал Урагшаа харсан байрлалтай суудал

Хүүхдийн суудлыг нас болон өндөрт нь тохируулж сонгож авдаг. Ганцаараа сууж чаддаг болох хүртэл хойшоо харсан байрлалтай суудлыг хэрэглэх хэрэгтэй. Энэ нь ойролцоогоор 8-12 сартай үе юм. Гэвч хойшоо харуулж суулгах нь хэдий аюулгүй ч хүүхдийн харах байдал, орчинтой танилцах байдалд сөрөг нөлөөтэй тул ганцаараа сууж чаддаг болсон үед нь хөдөлгөөний дагуу урагш харсан суудал хэрэглэсэн нь дээр. Нарийвчилсан зааврыг тухайн барааны хэрэглэх заавраас уншаарай.

Урагшаа харсан суудал хэрэглэх үед хүүхдийн цээжин хэсгээр даруулсан бүс хэрэглэдэг. Ийм урагшаа харсан суудлыг толгойгоо даахгүй хүүхдэд хэрхэвч хэрэглэж болохгүйг ахин сануулъя.

 

ХҮҮХДИЙН СУУДЛЫГ АЮУЛГҮЙ, ЗӨВ ХЭРЭГЛЭХ ҮЕ ШАТЫГ ТАНИЛЦУУЛАЯ!- хадгалаад аваарай

Posted by Cardoctormn on Tuesday, September 1, 2015
 

Эмэгтэй жолооч, зорчигч нарт өгөх зөвлөгөөБолзошгүй ослын үед 5 кг жинтэй хүүхдийн жин 30 дахин ихсэж 150 кг жинтэй би...

Posted by Cardoctormn on Monday, April 20, 2015

Танд 500 тэмдэгт үлдсэн байна.