AUDI Q7

Audi компанийн SUV ангиллын автомашины анхны загвар бөгөөд All Road Quattro загварын туршлага дээрээ үндэслэн энэ загварыг бүтээжээ.

Зэрэглэлийн хувьд А6 болон А8-ын хооронд байрлана. 2003 оны Детройтын авто үзэсгэлэн дээр төслийн хэмжээнд тавигдаж байсан бол 2005 оны 9 сарын Франкфуртын IAA2005 үзэсгэлэн дээр бодит утгаараа нийтэд танигдсан байна.

Quattro 4WD системийг ашигласан энэ загварын ганц онцлог шинж нь 3 эгнээ суудал байсан юм. Бусад үйлдвэрлэгчид үүнийг нэмэлт захиалгаар хийдэг. Үндсэн суурийн хувьд Volkswagen Tоuareg, Porsche Cayenne-г хийсэн L7 платформ. 4WD системийн хувьд Audi RS4-тэй адил.

Дизайныг Японы дизайнер Вада Сатоши гаргажээ. Дээд зэрэглэлийн SUV гэдэг утгаараа Tоuareg-ийг бодвол илүү засмал замд зориулсан бөгөөд муу замд явах чадвараараа сайн биш юм.

Английн Таймс сэтгүүлд бичсэнээр тийм ч хүчтэй илүү болж чадаагүй гэгджээ. Хөдөлгүүр нь Унгарт үйлдвэрлэгдэн Словакийн Братислав хот дахь Volkswagen-ний үйлдвэрт угсрагдаж байна.

Ихэнх чухал эд ангиудыг Герман дахь үйлдвэрүүдээс нийлүүлж байгаа юм байна.

• 2008 онд hybrid загвар нь гарсан бөгөөд энэ нь автомат хурдны хайрцгийн тourque convertor буюу гидр трансформатор ба 4.2 литрийн V8 FSI хөдөлгүүрийн завсарт цахилгаан хөдөлгүүр суулгаж өгсөн байна.
• Ингэснээр 0-100км/ц-ийн хурдыг 6.8 секундэд авч, 5-р араагаар 80-120км/ц-ийн хурдыг 7 секундэд авдаг болсон байна.
• Бензин зарцуулалт 100 км-т 12 литр болсон байна. Мөн дан цахилгаан хөдөлгүүрээр явах боломжтой юм байна.
• 2005 онд жилд дэлхийн хэмжээнд 1185 ширхэг борлогдсон байна.
• 2009 оны 12 сард дараагийн загварын талаарх мэдээлэл гарчээ. Энэ мэдээлэлд урд их гэрэлд LED технологийн гэрэл хийх тухай мэдэгдсэн бөгөөд бусад деталиудад өөрчлөлт орохгүй гэж мэдэгдсэн байна.
• 2008 оны 10 сарын 24-нд 3 литрийн экологийн турбо дизель хөдөлгүүр тавих болсноо зарлажээ. Уг хөдөлгүүр нь 225 морины хүчтэй бөгөөд 100 км-т 7.7 литр түлш зарцуулдаг.