46 дахь удаагийн Токио Мотор Шоу 2019 үзэсгэлэн 10/24-11/4 хооронд 12 хоног Tokyo Big Sight барилгад зохиогдох гэж байна. Тус арга хэмжээ нь OPEN FUTURE нэртэйгээр зохион байгуулагдах тул дан ганц автомашин гэлтгүй бүх төрлийн ирээдүйн тээврийн хэрэгслийг сонирхуулах аж. Мөн энэ удаагийн үзэсгэлэнд Европын ихэнх акуулууд оролцохгүй ч Японы автомашин үйлдвэрлэгчид шинэ загвараар нүд хужирлах болсон байна. Ингээд та бүхэнд энэ жил бидэнд сонирхолтой байх онцлох загваруудаас сонирхуулая.

Toyota Gran Ace

Шинэ төрлийн full-size wagon ангилалд багтах Gran Ace загварыг анх удаагаа танилцуулна. Том кузовтой, люкс байдлыг гадна болон дотор талдаа агуулсан.

Toyota Mirai Concept

Шинэ Мирай-ын эцсийн байдлаарх концептыг танилцуулна

Toyota New Yaris

Бидний мэдэх Vitz загварыг Yaris нэрээр цаашид үйлдвэрлэх болсон. Тэгэхээр 4-р үеийн шинэ Яристай энэ үеэр танилцаарай.

Toyota new ultra-compact EV

Маш жижиг кузовын төрөлд багтах цахилгаан машиныг танилцуулна.

Toyota New C-HR

Сүүлийн үед манайд мэр сэр харагдах болсон C-HR загварыг хэсэгчлэн шинэчлээд танилцуулж магадгүй байгаа. Баталгаатай мэдээлэл биш.

Toyota A-SUV

Нэртэй шинэ загварыг Дайхацутэй хамтран гаргаж байгаа. Зураг болон дэлгэрэнгүй мэдээлэл одоогоор алга байна.

Toyota 86

Дараа үеийн 86 загварын концептыг танилцуулна.

Toyota TJ Cruiser commercial model

2017 онд танилцуулж байсан TJ загварыг албан ёсоор энэ удаа танилцуулна. Өвөрмөц дүр төрх, шинэ төрлийн овор хэмжээ багатай SUV юм. Түүний урьдчилсан захиалгыг 12 сард эхлүүлж ирэх оноос гар дээр нь хүргэж магадгүй байгаа.