Зэвсэглэсэн техникийг дэлхийн өнцөг буланд өргөн хэрэглэж байна. Гэхдээ түүний өртөг нь маш үнэтэй тул дурдаад хэрэггүй байх.

Desert Patrol Vehicle

DPV загвар нь Вольксвагений хөдөлгүүрийг ашиглаж дээрээ маш том буу зоосон элсэн манхны багги загвар юм. Сонирхол татаху зүйлсээс гэвэл түүнийг Navy SEAL-үүд ашигладаг ба Chnowth Racing бүтээгдэхүүнийг хэрэглэдэг ажээ. Өмнө нь тус компани ангилал 1-ийн Бажа-д зориулсан багги загварын бүтцийг бүтээж байсан туршлагатай компани юм. DPV нь дээд тал нь 130 км/ц хурдтай явах чадвартай бөгөөд 2 цэрэг бүхээгт суух боломжтой.

Dingo 2

Dingo-ийн үйлдвэрлэгч нь Герман улсын Мьюнхэнд байрлах Krauus-Maffei Wegmann үйлдвэр юм. Уг загварыг Unimog загварын суурь дээр хөгжүүлсэн бөгөөд олон төрлөөр ашиглах боломжтой. Гэхдээ маневрлах чадвар муутай. Түүнд 8 цэрэг сууж даалгавар болон цэргийн түргэн тусламж гүйцэтгэх боломжтой. Герман улс нь Dingo загвартаа маш их дуртай бөгөөд түүний стиль хэв маяг тус үндэстэнд үргэлж таалагдсаар ирсэн.

Force Protection Buffalo A2

Уг хүчирхэг сарвуутай техникийг Transformers кинон дээр гардаг "Bonecrusher" код нэртэй автомашинтай зүйрлэн үзэж болох юм. 6 дугуйтай мина цэвэрлэх үндсэн үүрэгтэй ба 9 метр урт гарын туслалцаатай тэсрэх бөмбөгийг аюулгүй болгох юм байна. Бүхээгийн хамгаалалтыг хүнд хуягаар хийсэн тул мина-аас цэргүүдийг найдвартай хамгаалах болжээ. Ингэсний үр дүнд жин нь 33750 кг болсон ба түүнийг хөдөлгөхөд зориулж 12.5 литрийн Caterpillar-ийн дизель хөдөлгүүрийг суурилуулжээ.

M1128

"MGS" нь "Mobile Gun System-Хөдөлгөөнтэй бууны систем" хэмээх үгий товчлол юм. 8 дугуйтай тээврийн хэрэгсэл дотор 3 цэрэг бүхий баг ажиллах бөгөөд 105-мм автомат цэнэглэгчтэй их буугаар буудах юм. Ерөнхийдөө M1 Abrams танкнаас ялгараад байх зүйлгүй өндөр чадвартай билээ. Тэрээр 6 секунд тутамд нэг удаа буудах чадвартай ба явган цэргүүдээс хамгаалсан 7.62 мм-ийн пулемёт болоон 50-калибрын пулемётоор тоноглогдсон. 100 км/ц хурдтай давхихдаа буудах чадвартай төдийгүй 8 явган цэргийг зөөх боломжтой.

M1070

Арми эсвэл Тэнгисийн явган цэргийхэн 67 гаруй тонн жинтэй М1 Abrams танкийг зөөх шаардлага үргэлж гардаг. Тэгвэл энэ ажлийг HET буюу Heavy Equipment Transporter-ийн туслалцаатай төвөггүй гүйцэтгэдэг байна. 700 морины хүчтэй 18.1 литрийн дизель хөдөлгүүрээр тоноглогдсон M1070 нь 80 км/ц хурдлах чадвартай. Түүний нэгэн хувилбар болох M1070A1-ийн 2 тэнхлэг маневрлах чадвартай байдаг ажээ. Түүнийг 1987 онд Sylvester Stallone тоголсон Over the Top киноноос харах боломжтой.

OSHKOSH LVSR

LVSR-ийг цэргийхэн хүнд цэргийн техник нэрээр маш сайн мэддэг. Хүнд буюу "Heavy" гэдэг учир нь түүний жин 30420 кг. Харин байлдааны зориулалттай буюу "tactical" нэрийн учир нь түүнийг бүрэн хуягласан бөгөөд үл хамаарах явах эд ангитай. Хэрвээ та тоолвол түүнд 10 үл хамаарах дугуй байгаа.

M-ATV

2009 онд АНУ-ын зэвсэгт хүчинд 13 тонн жинтэй бүхий л даалгаврыг ямар ч нөхцөлд гүйцэтгэх чадвартай нэгэн техник орж иржээ. Пентагон нь Oshkosh компанитай $4.5 тэрбум ам.долларын гэрээг байгуулж 8800 ширхэг M-ATV загварыг авах болсон байна. Хүчин чадлын хувьд Caterpillar-ийн дизель цуваа 6 цилиндртэй 370 морины хүчтэй хөдөлгүүрээр тоноглогдсон. M-ATV загварт 6 төрлийн хувилбар бий бөгөөд үүнд эмнэлгийн журмаар хэрэглэх хувилбараас тусгай даалгаварт хэрэглэх бүхий л сонголтууд байгаа ажээ.

Renault VAB MARK II

VAB бол маш онцгой бүтээлүүдийн нэг. Энэхүү десант зөөгч урд болон хойд хэсэг гэсэн 2 салангад кузовтой ба хойд хэсгийн дээвэр дээр автомат буу байрладаг. Уг загвар нь газар усны ямар ч нөхцөлд явах чадвартай бөгөөд хурдны хувьд хуурай зам дээр 140 км/ц давхих чадвартай. Түүнд ZF-ийн хурдны хайрцгийг ашигласан байдаг.

SS-27 Sickle B

ОХУ-ын тив хоорондын баллистик пуужинд зориулан "RT-2UTTKh Topol-M" загварыг зохион бүтээсэн. Уг 16 дугуйтай зөөврийн пуужин хөөрөх суурийг Белоруссд байрлах MZKT үйлдвэрлэдэг бөгөөд ганц тив хоорондын баллистик пуужингийн цэнэг нь Нагасаки хот дээр хаясан цөмийн бөмбөгөөс 38 дахин их хүчтэй ажээ

Jackal 2

1 метр гүн голыг гатлах чадвартай HMT 400 загварыг хөнгөн хуягаар хамгаалсан бөгөөд үзэгдэх орчинг сайжруулах болоод замын ямар ч нөхцөлд явах чадвартай болгохын тулд илүү анхаарч ажилласан байна. Түүнийг Их Британи улсын цэргийн албанд хэрэглэдэг бөгөөд цэргүүдийн хувьд ихээхэн эрсдэлтэй техникийн нэг.

Эх сурвалж: www.cardoctor.mn