МАШИНАА УНААД ГЭРТЭЭ ОР - PORSCHE DESIGN TOWER

Өнгөрсөн хагас сайн өдрийн үдэш Миами хотноо Porsche Design Tower-ийн нээлт боллоо.

60 давхар өндөртэй тус барилга нь орчин үеийн барилгын дизайны шилдэг элементийг өөртөө агуулсан буюу Порше Дизайны брэнд ялгарлыг шингээжээ. Үүнд: нарийн мэргэжлийн дизайн, техникийн инновац, цаг үеэсээ давж сэтгэсэн алхам, хэв загварууд багтана.

Тус барилгын хамгийн онцлог хэсгийг "Dezervator" гэж нэрийдэх бөгөөд машинтайгаа гэртээ орох боломжийг энэ лифт олгодог гэнэ. Тус лифтний хийцийг хийсэн Dezer Development компанийн мэдээлснээр өөр хаана ч ийм өндөрт аваачиж чадах, нэг дор бүгдийг цогцлоосон лифттэй барилга энэ дэлхийд байхгүй гэсэн нь анхаарал татлаа.

Барилгад нийтдээ 132 айл, 57 дэлгүүр орох боломжтой бөгөөд гэрийн хувьд 1140-2850 m2 талбайн сонголттой, үнийн хувьд 4 саяас 15 саяын хооронд байгаа юм байна. Жижиг гэрийн хувьд 2 машины зогсоолтой бол томууд нь 4 машины зогсоолтой.

Мэдээж зогсоолруугаа Dezer систем ашиглан лифтээр орох гэнэ.