MITSUBISHI CHALLENGER

Challenger гэдэг нь англи хэлний туршигч, соригч гэсэн утгатай үг юм.

Энэхүү загвар нь маш хүчтэй,  гайхалтай спорт загварын машин болж чадсан бөгөөд 1996 оны 7 сард анхны загвар нь худалдаанд гарсан.

Ерөнхийдөө Pajero-той адилхан. Тэнхлэг хоорондын зай нь 2725 мм бөгөөд 2 эгнээ 5 хүний багтаамжтай суудалтай. V хэлбэрийн 6 цилиндртэй, дан нударган голтой, 24-н клапантай 3 литрийн багтаамжтай бензин хөдөлгүүрээс гадна цуваа 4 цилиндртэй 2,8 болон 2,5 литрийн багтаамжтай дизель турбо хөдөлгүүртэй байдаг.

4 дугуйгаар хөтөлдөг. 1997 оны 8 сард хэсэгчилсэн шинэчлэл явагдсан ба бензин хөдөлгүүрийг шинэчлэн GDI-н хос нударган голтой 24-н калафантай 3,5 литрийн багтаамжтай хөдөлгүүрээр сольсон. 1999 оноос дизель хөдөлгүүртэй загварын үйлдвэрлэл зогссон бөгөөд 2002 оноос Challenger-н үйлдвэрлэл зогссон юм.