Инфинити компани 2017 Дубай мотор шоуны үеэр 2018 QX80 загвараа танилцууллаа. Энэ загвар нь өнгөрсөн 4 сард танилцуулж байсан QX80 Monograph concept загвартай зарим талаараа төсөөтэй болж чадсан нь харагдаж байна.

2018 оны шинэ загвар нь шинэ их гэрэл болон хойд гэрэлтэй болсон. Мөн шинэ урд нүүр, хойд гупер, хаалганы бариул зэрэг нь ондоо болсон. Харин салонд дуу тусгаарлах материалыг шинэчилснээр битүүмж сайжирсан төдийгүй урд самбар болон арьсыг шинэ материалаар хийж, шинэ өнгийг санал болгож байна.

Хөдөлгүүрийн хувьд нарийн мэдээлэл байхгүй ч 5.6 литрийн 400 морины хүчтэй хөдөлгүүр хэвээрээ. Харин хос турбо бүхий V6 сонголт гарч ирж магадгүй талаар сонирхогчид олж мэджээ.

Үйлдвэрлэлтийг Японы Кюшу-д хийх бөгөөд тэндээсээ улс улсын зах зээл рүү экспортолно. Үүнээс илүү тодорхой мэдээлэл ирэх 7 хоногоос тодорхой болох тул тэр болтол шинэ зургийг нь хүлээн авч үзнэ үү...