BUGATTI CHIRON-ийг ХИЙХ 20 АЛХАМ

500 км цагийн хурдыг үзүүлэх чадвартай гэгддэг Бугатти Широн (Bugatti Chiron) загварын үйлдвэрлэлтийг сонирхлоо. Үйлдвэр гэдэг нэг зүйлийг олон тоогоор хийж буй зүйлийг хэлдэг. Тэгэхээр үйлдвэрлэлт гэх нь зохимжгүй. Харин боолт бүрт нь сэтгэл шингэж байгаа учраас Бүтээл төрөх урлан гэж энэ өргөөг нэрлэе. Францын Molsheim харшид байх урлангаас...

Гайхам металл хийцтэй энэхүү барилга нь 1000м2 талбайг хамарсан. Энэ жил 70 Шийрон загварыг үйлдвэрлэхээр төлөвлөөд байгаа.

Бугаттигийн хэлбэр нь морины тахыг санагдуулам байдаг. Таны харж байгаа энэ танхим нь статик цэнэг үүсэхгүй байхаар зохион бүтээгдсэн. Ариун цэврийн хувьд дээд зэргийн байдлыг хангадаг.

Энд ямар ч робот эсвэл дамжуулах шугам гэж байдаггүй. Машин бүрийг гар аргаар угсардаг. Яг л Формула 1-ийн сервис шиг.

Асар хүчтэй 8.0 W16 хөдөлгүүрийг энд үйлдвэрлэдэггүй. Энд харин суурилуулалтыг л хийдэг. Үйлдвэрлэлтийг Вольксвагений Salzgitter-ийн үйлдвэрт хийдэг. Суурилуулахаас өмнө энд 9 цагийн туршилтыг хийж, ямар ч асуудалгүй гэж үзсэн тохиолдолд дараагийн алхамд шилжүүлдэг.

Хөдөлгүүрийг кузовын арын хэсэгт, тулгуур эд ангийн хамтаар суурилуулна. Нийлээд 628 кг татдаг байна. Нэг үгээр хэлбэл хөдөлгүүр нь л гэхэд Caterham R500 загвар шиг хүнд. Чангалгааг хийхдээ маш нарийн хэмжүүртэй торцовоор хийдэг.

Энэ зураг бол араатан төрж буй явц нь. Техникийн ажилтнууд кузовийг хөдөлгүүр болон тулгуур эд ангитай холбож байгаа эгшин. Чангалгааг хийхдээ тур бүр нь 34г жинтэй титанан боолт ашигладаг.

Холболтыг хийж дууссан бол дараагийн алхамд шилжинэ. Энд тос, тоормосны шингэн, хөргөлтийн шингэн зэргийг хийдэг.

Одоо моторыг асаах цаг. Бугатти компани Шийронд зориулаад цоо шинэхэн дино-г угсарчээ. Хуучин нь түүний 1500 морины хүч, 1600 Нм эргүүлэх чадлыг дийлээгүй учир сольжээ.

Машин бүрийг шалгана. Тэгэхдээ маш сайн бэхэлгээг хийж өгдөг. Ямартай ч эхний ээлжинд инженер 60 км замыг үүн дээр явж өнгөрүүлэх бөгөөд авцуулах холбоо, кропка, ABS, ESC, хурд авалт зэргийг шалгадаг.

Будалтыг хийхэд 3 долоо хоногийн хугацааг зарцуулдаг. Учир нь 9 давхарлаж буддагт оршино. Будчихаад өнгөлнө, хамгаалах давхарга үүсгэнэ гэх мэтчилэн.

Кузов, түүний доод хэсгийг маш сайн шалгадаг. Ямар нэгэн дефект байвал буцаана.

Шийроны бүх хэсгийн хэмжээг тааруулахад ойролцоогоор 3-4 хоног шаардагддаг. Өөрсдийн тусгай багажийн туслалцаатай хоорондын зайг хэмжиж ижил болгодог байна.

Их биеийн хэсгүүдийг угсарч дууссаны дараа усанд оруулнаа. Машин бүрийг 30 минут душенд оруулж ямар нэгэн ус нэвтэрч байгаа эсэхийг шалгадаг. Салоныг ч бас маш сайн үзнэ гэж байгаа.

2 хүнтэй баг 3 өдрийн туршид салонд захиалагчийн хүссэн эд ангиудыг нь угсарна. Арьс, карбон зэрэг эд ангиудыг ч хашрааж өгнө дөө. Худалдан авагч 31 төрлийн арьс, 30 төрлийн утас, 18 хивсэнцэр, 11 суудлын бүсний даруулгаас сонголтоо хийнэ. Эхнэр авахаас ч нарийн үзэх нь...

Одоо тестэнд гарах болсон тул эзэмшигчид очихоос өмнө гэмтээхгүйн тулд пластик эд ангиудыг хуулгадаж байна.

Тестийн өмнөх тохируулга үргэлжилсээр.

Машин бүрийг 300 км явуулж тестлэнэ. Ингэхдээ хурдыг 255 км цаг хүргэж давхина гэж байгаа.

Тестээ амжилттай дуусгасан бол хуулгаа хуулна. Ийм гоё орчинд энэ нөхөр ямар нэгэн согог үүссэн эсэхийг дахин шалгаж байна.

Энэ эрхмийг Christophe Piochon гэдэг. Бугаттигийн удирдах зөвлөлийн гишүүн. Ямар ч машин түүнийг ОК гэж хэлэхээс нааш үйлдвэрээс гарахгүй гэж мэд.

Нийт 2 сар хийсний 9 сард нь тохиргооны ажлыг хийж ээ. 20 чадварлаг баг 1800 эд ангийг түүнд угсарснаар Molsheim дэх үйлдвэрээсээ тэр гарна.

Гэхдээ л Бугаттигийн хамт олон түүнийг шууд гаргаад явуулчихгүй. Хойноос нь үргэлж ажиглалт хийнэ. Хэрвээ асуудал гарвал нисэх онгоцтой эмч нар очиж засварлаж өгнө. Аргагүй шүү дээ 2 сая еврогийн үнэтэй эд юм чинь яаж мартаж чадах билээ.